Psalm 130

1773
1967
Afrikaans
Datheen
DNP
Duits 1
Duits 2
Engels
Frans
GKV
Meeuse
Revius
Spaans
Afrikaans

Vers 1

Uit dieptes, gans verlore,
van redding ver vandaan,
waar hoop se laaste spore
in wan hoop my vergaan;
uit diep van donker nagte
roep ek, o HERE, hoor,
en laat my jammerklagte
tog opklim in u oor!

Vers 2

As U, o HEER, die sonde
na reg wou gadeslaan,
wie sou een enk'le stonde
voor U, o HEER, bestaan?
Maar nee, daar is vergewing
altyd by U gewees;
daarom word U met bewing
reg kinderlik gevrees.

Vers 3

Soos een wat op die mure
as wagter uitgestel,
gedurigdeur die ure
met sy gedagte tel -
so wag my siel, en sterker,
gedurig op die HEER,
tot Hy, die Ligbewerker,
die nag in daagraad keer.

Vers 4

Hoop, Isr'el in jou klagte;
vertrou, o volk, wat treur;
sy guns verduur die nagte,
sy heil breek eind'lik deur.
Dan skyn 'n soete vrede:
gans Israel word vry
van ongeregtighede.
HEER, doen ook so aan my!
Verwante psalmen
Psalm 6 Klacht · Boete Psalm 38 Klacht · Boete Psalm 51 Klacht · Boete Psalm 102 Klacht · Boete Psalm 106 Klacht · Boete Psalm 120 Klacht · Pelgrimspsalmen Psalm 123 Klacht · Pelgrimspsalmen Psalm 126 Klacht · Pelgrimspsalmen